Bandaríkjamenn hafa áhuga á Everton

Svo gæti farið að stóru liðin í Liverpool-borg verði bæði í eigu Bandaríkjamanna áður en langt um líður.

Liverpool er í eigu Bandaríkjamanna og aðrir Bandaríkjamenn skoða nú þann möguleika að kaupa Everton. Félagið er svo sannarlega til sölu.

Þeir sem hafa áhuga á félaginu tengjast MLS-liðinu Sporting Kansas City. Feðgarnir Cliff og Mike Illig eru þar aðalmennirnir. Illig eldri efnaðist á því að selja vörur og hugbúnað til heilsugæslustöðva.

Bill Kenwright, stjórnarformaður og aðaleigandi Everton, vill fá rúma 43 milljarða fyrir félagið og hefur reynt að selja það í nokkurn tíma.