Merson býst við Chelsea sigri á Old Trafford

Paul Merson, fyrrverandi leikmaður Arsenal og enska landsliðsins, segir í pistli sínum á vefsíðu Sky Sports fréttastofunar að hann reikni með sigri Chelsea á morgun. Chelsea mætir þá Manchester United í stórleik 20. umferðar.

Hann segir að hans fyrrum félagar í Arsenal komi til baka eftir tapið gegn Southampton og vinni Bournemouth í mikilvægum leik á heimavelli.  

„Þetta var annar slæmur dagur fyrir Manchester United í gær (jóladag) og Chelsea eru að bæta sig þannig að hlutverkin hafa snúist," skrifar Merson í pistli á Sky Sports síðuna þar sem hann spáir í leiki morgundagsins.

„Chelsea, nú undir stjórn Guus Hiddink, eru að verða betri og ég held að áframhald verði á því á Old Trafford þrátt fyrir fjarveru Diego Costa sem er mikið áfall. Ég spái öruggum Chelsea sigri, en þeir vinna með tveimur mörkum gegn engu."

Merson segir að sínir gömlu félagar í Arsenal muni koma sterkir til baka eftir tapið gegn Southampton í gærkvöldi.

„Arsenal var á flugi og fara síðan til Southampton sem fóru illa með þá. Þeir fá ekki betra færi til að vinna deildina, en á þessari leiktíð," en Arsenal mætir Bournemouth á mánudag.

„Með það í huga sé ég ekki Bournemouth gera neitt á Emirates. Wenger vill savr frá sínum mönnum og þrátt fyrir að Arsenal gæti fengið á sig mark, þá vinna þeir þetta þæginlega. Lokatölur 3-1."

Allan pistil Merson um nítjándu umferðina má lesa hér.