Stones: Cleverley á að vera í landsliðinu

John Stones, miðvörður Everton og enska landsliðsins í knattspyrnu, segir að samherji hans hjá Everton, Tom Cleverley, ætti að fá kallið upp í enska landsliðið eftir góða frammistöðu undanfarið.

Þessi 26 ára gamli miðjumaður hefur spilað 13 leiki, en hann spilaði síðast fyrir England í nóvember 2013 þegar hann var á mála hjá Manchester United.

„Ég veit það að sem leikmaður ertu hlutdrægur þínum eigin félögum, en ég tala fyrir hönd marga í búningsklefanum að Tom ætti að vera í enska landsliðshópum," sagði Stones í samtali við sjónvarpsstöð Everton.

Sjá einnig:Cleverley tryggði Everton sigur nokkrum sekúndum fyrir leikslok | Sjáðu markið

„Hann er að spila ofboðslega vel. Stundum fá leikmenn ekki marga möguleika til að komast aftur inn í hópinn, en ég er viss um að hann yrði glaður með það."

Cleverley var hetja Everton í gær þegar hann skoraði sigurmark liðsins á ögurstundu gegn Newcastle. Hann skallaði þá boltann í netið á þriðju mínútu uppbótartíma.

„Þetta tók lífstíð, en sem betur fer fór boltinn á endanum. Cleverley líður eins og uppöldum Everton leikmanni. Hann elskar alltaf varðandi félagið - æfingarnar, stuðningsmennina og hann hefur komið vel inn í hópinn. Hann er frábær félagi," sagði Stones um félaga sinn.