Fugl gerði stærðarinnar dæld á Boeing þotu

Hvað gerist þegar 40 metra löng þota lendir í árekstri á flugi við fugl? Nú hefur þeirri spurningu verið svarað að nokkru leyti, en flugvél af gerðinni Boeing 737-800 fékk fugl beint á nefið í miðju flugi.

Við áreksturinn myndaðist stærðarinnar beygla á nefi vélarinnar. Myndir af skemmdum vélarinnar voru fyrst birtar af Flight-Report á Twitter.

#BirdStrike impressionnant sur un B737 @TurkishAirlines #TK2004 #AvGeek pic.twitter.com/kIybRKFy2j

— Flight-Report ✈ (@flight_report) May 5, 2015

Talsmaður flugfélagsins Turkish Airlines segir í samtali við Mashable að skemmdir af þessu tagi sé þó nokkuð algengar. Hann segir að nef flugvéla séu gerð úr mjúkum efnum til að draga úr högginu sem myndast við árekstra sem þennan.

Ljóst er þó að árekstrar sem þessi geta verið alvarlegir. Árið 2009 þurfti að nauðlend vél frá US Airways í Hudson ánni við New York eftir að gæsir enduðu í hreyflum vélarinnar.