Cardiff tapaði en Leeds vann langþráðan sigur

Aron Einar Gunnarsson og félagar í Cardiff City töpuðu í kvöld 1-2 á útivelli gegn Middlesbrough í ensku b-deildinni. Leeds vann á sama tíma heimasigur á móti toppliði Bournemouth.

Aron Einar Gunnarsson spilaði allan leikinn á miðju Cardiff en heimamenn í Middlesbrough komust yfir í 2-0 eftir tvö mörk sem sextán mínútna millibili um miðjan seinni hálfleik.

Patrick Bamford og Lee Tomlin skoruðu mörk Middlesbrough en Kenwyne Jones minnkaði muninn fyrir Cardiff með skallamarki á 86. mínútu eftir fyrirgjöf Joe Ralls. Þetta var annað tap Cardiff-liðsins í röð.

Luke Murphy tryggði Leeds 1-0 sigur á Bournemouth með langskoti á 36. mínútu leiksins. Yann Kermorgant gat jafnað metin á 87. mínútu en skaut þá úr slá úr vítaspyrnu. Giuseppe Bellusci fékk rautt spjald fyrir brotið og endaði því Leeds-liðið tíu á móti ellefu.

Þetta var fyrsti sigur Leeds í deildinni síðan 29. nóvember en liðið var fyrir leikinn búið að spila sex leiki í röð án þess að fagna sigri.