Szczesny ekkert súr: Núna get ég lært af einum þeim besta

Pólski markvörðurinn Wojciech Szczesny er einn af þeim sem fagnar því að Petr Cech sé kominn í Arsenal þrátt fyrir að þýði það að Pólverjinn þurfi að sætta sig við setu á varamannabekknum.

Petr Cech gerði fjögurra ára samning við Arsenal en félagið kaupir hann frá Englandsmeisturum Chelsea fyrir um tíu milljónir punda.

Szczesny skrifaði um komu Petr Cech fésbókarsíðu sinni í dag. „Petr Cech, velkominn til Arsenal FC! Ég er mjög ánægður með að fá tækifæri til að læra af einum besta markverði heims," skrifaði Wojciech Szczesny.

Wojciech Szczesny missti sæti sitt í byrjunarliði Arsenal á miðju tímabili og spilaði aðeins 17 leiki í ensku úrvalsdeildinni á síðustu leiktíð. David Ospina stóð í marki liðsins frá janúarmánuði.

Szczesny spilaði hinsvegar bikarleikina hjá liðinu og var í marki Arsenal þegar liðið tryggði sér enska bikarinn með 4-0 sigri á Aston Villa í úrslitaleiknum á Wembley.

Petr Cech er átta árum eldri en Szczesny og þegar Tékkinn spilaði sinn fyrsta leik með Chelsea í ensku úrvalsdeildinni haustið 2004 þá var Pólverjinn fjórtán ára gamall í unglingaliði Agrykola frá Varsjá.

Petr Cech varð fjórum sinnum enskur meistari með Chelsea en Arsenal, sem var ríkjandi meistari þegar tékkneski markvörðurinn kom til Chelsea frá franska liðinu Rennes.