Costa: Það er sparkað í mig en ég er engin grenjuskjóða

Diego Costa, framherji Chelsea, segist ósáttur við þriggja leikja bannið sem hann var úrskurðaður í eftir leik gegn Arsenal fyrr á leiktíðinni.

Costa segir að kollegar hans í ensku úrvalsdeildinni séu gjarnir á að ýkja allt sem gerist þegar hann lendir í návígum við þá.

„Oft hafa leikmenn gert eitthvað við mig eins og sparkað í mig. Ég er samt engin grenjuskjóða,“ segir Costa í viðtali við The Sun.

„Ég hef 100 prósent stuðning frá mínum knattspyrnustjóra, félaginu og stuðningsmönnum CHelsea. Þess vegna er mér alveg sama um hvað öðrum finnst.“

„Ég mun ekki breytast nema knattspyrnustjórinn segir mér að gera það eða stuðningsmenn liðsins,“ segir Diego Costa.