Van Gaal: Enska landsliðið vinnur ekki neitt því það er ekki vetrarfrí

Louis van Gaal, knattspyrnustjóri Manchester United, telur að ensku liðin muni halda áfram að eiga í vandræðum í Evrópukeppnum vegna hinnar illu dagskrár í ensku úrvalsdeildinni, eins og hann orðar það.

Van Gaal kom með lærisveina sína heim til Manchester seint í gær eftir langt ferðalag til Moskvu, en United mætir Manchester City í stórleik helgarinnar á sunnudaginn.

„Hér er ekkert vetrarfrí og ég tel að það sé það mesta illmennskan í þessari menningu. Þetta er ekki gott fyrir enskan fótbolta,“ segir Van Gaal.

„Þetta er hvorki gott fyrir félagsliðin né landsliðið. Ég tel að þið ættuð að breyta þessu. Enska landsliðið hefur ekki unnið neitt í mörg ár því leikmennirnir eru allir dauðþreyttir í lok tímabilsins.“

Hollendingurinn telur styrkleika ensku úrvalsdeildarinnar einnig gera stóru liðunum erfitt fyrir í Evrópukeppnum því aldrei fær neitt lið auðveldan leik.

„Það er erfiðast að vinna leiki í ensku úrvalsdeildinni af ölumm deildum því öll liðin eru svo góð. Það er ekki hægt að vinna neitt lið auðveldlega,“ segir Van Gaal.

„Þetta er rottuhlaup og svo þarf líka að spila í Meistaradeildnini. Þetta er ástæðan fyrir því að ekkert enskt lið hefur unnið Meistaradeildina síðustu ár,“ segir Louis van Gaal.