Pellegrini: Ég var ekki að refsa Kompany

Vincent Kompany hefur ekki verið byrjunarliðsmaður hjá Manchester City síðan hann spilaði með belgíska landsliðinu í óþökk Manuel Pellegrini, stjóra City.

Pellegrini sagði fyrir síðasta landsleikjafrí að Kompany væri ekki standi til að spila vegna meiðsla en Kompany spilaði engu að síður í 59 mínútur þegar Belgía mætti Ísrael í undankeppni EM 2016.

Kompany er fyrirliði City og hefur fastamaður í vörn liðsins undanfarin ár. En þrátt fyrir að Kompany hafi mátt sætta sig við að vera varamaður í síðustu leikjum segist Pellegrini ekki vera að refsa varnarmanninum.

„Það er ekkert vandamál okkar á milli. Ég vel mitt besta byrjunarlið fyrir hvern leik og eitt gengur yfir alla leikmenn,“ sagði Pellegrini.

Hann er þó enn ósáttur við ákvörðun Kompany að hafa gefið kost á sér í landsleikinn. „Þó svo að menn séu heilir eftir 4-5 vikna fjarveru eru menn ekki tilbúnir til að spila mikilvæga leiki,“ sagði Pellegrini.

City mætir Manchester United í ensku úrvalsdeildinni á laugardag.