Butland styrkir breska kvennalandsliðið til þátttöku á HM heyrnarlausra

Jack Butland, markvörður Stoke City, hefur átt stórgott tímabil það sem af er í ensku úrvalsdeildinni.

Butland, sem hefur leikið þrjá A-landsleiki fyrir England, er ekki bara duglegur að verja skot heldur er hann einnig duglegur að láta gott af sér leiða utan vallar.

Í dag bárust fréttir af því að Butland hafi styrkt breska kvennalandsliðið í fótbolta sem tekur þátt á HM heyrnarlausra á Ítalíu í júní á næsta ári um 5000 pund.

Áætlað er að þátttaka liðsins kosti 20.000 pund en framlög frá Butland og fleiri íþróttamönnum fara langt með að dekka þann kostnað.

Butland hefur leikið alla 19 leiki Stoke í úrvalsdeildinni og haldið marki sínu hreinu í átta þeirra. Liðið er í 10. sæti deildarinnar.