Frábært gengi Tottenham heldur áfram

Tottenham heldur áfram að gera flotta hluti í ensku úrvalsdeildinni, en eftir 3-0 sigur á Norwich í dag er Lundúnarliðið í fjórða sætinu, sex stigum frá toppnum.

Harry Kane heldur áfram að skora fyrir Tottenham, en hann skoraði fyrstu tvö mörk leiksins í dag með sextán mínútna millibili. Thomas Carroll skoraði svo eitt mark í síðari hálfleik og lokatölur 3-0.

Tottenham er í fjórða sætinu með 32 stig, en Norwich er í sautjánda sætinu með sautján stig tveimur meira en Crystal Palace sem er í því fimmta. Palace gerði markalaust jafntefli við Bournemouth sem er með 20 stig í fjórtánda sæti.

Aston Villa og West Ham gerðu svo 1-1 jafntefli á Villa Park, en Villa hefur einungis unnið einn leik á tímabilinu. Cresswell kom gestunum yfir undir lok fyrri hálfleik, en Jordan Aywe jafnaði af vítapunktinum eftir rúmlega klukkutíma leik.

West Ham í níunda sætinu með 26 stig, en hörmungargengi Villa heldur áfram. Þeir sitja á botninum með átta stig, níu stigum frá öruggu sæti.

Úrslit og markaskorarar:

Bournemouth - Crystal Palace 0-0

Aston Villa - West Ham United 1-1

0-1 Aaron Cresswell (45.), 1-1 Jordan Ayew - víti (62.).

Tottenham Hotspur - Norwich 3-0

1-0 Harry Kane - víti (26.), 2-0 Harry Kane (42.), 3-0 Thomas Carroll (80.).