Pellegrini kom Touré til varnar eftir gagnrýni Carragher

Manuel Pellegrini, knattspyrnustjóri Manchester City, kom Yaya Touré, leikmanni liðsins, til varnar á blaðamannafundi í dag eftir sneiðina sem hann fékk frá Jamie Carragher, sparkspekingi Sky.

Carragher léta Touré heyra það fyrir frammistöðu sína á mánudaginn gegn Arsenal þar sem City tapaði, 2-1. Touré skoraði mark City en Carragher fannst lítið til hans koma og sagði Fílabeinsstrendinginn vera sjálfselskan og hlægilegan.

„Þegar þú tapar leik þá er liðið sem tapar alltaf að gera slæma hluti. Arsenal skaut ekki á markið fyrr en á 33. mínútu og boltinn fór inn,“ sagði Pellegrini.

„Við stýrðum leiknum algjörlega en vorum kannski ekki nógu sókndjarfir. Við fengum samt fín tækifæri og Yaya átti þátt í þeim öllum. Ég gagnrýni einstaklega ekki opinberlega,“ sagði Manuel Pellegrini.

Manchester City er nú fjórum stigum á eftir Arsenal í þriðja sæti deildarinnar en City mætir Sunderland á heimavelli á öðrum degi jóla.