Klopp: Of margir leikir á hverju tímabili á Englandi

Of margir leikir á hverju tímabili skemmir fyrir Englandi á stórmótum er mat stjóra Liverpool, Jurgen Klopp, en hann segir að það séu of margir keppnir á Englandi á ári hverju.

„Þetta eru of margir leikir. Það er klárt. Það er ekkert frí - of mörg mót. Ég held að allir viti að það er ekki leiðin til þess að ná árangri," sagði Klopp í samtali við Football Focus.

Þjóðverjinn segir að Englendingar eigi mjög hæfuleikaríkt lið þessa stundina, en ekkert vetrafrí gæti hamlað þeirra möguleika á að vinna Evrópumótið sem fram fer í Frakklandi sumarið 2016.

„Allir vilja sjá Roy Hodgson taka liðið og leiða þá til sigurs og þeir eru með mjög gott lið. En þeir hafa ekki fengið frí í heilt ár og þú getur náð árangri en það er mikið erfiðara. Öll hin liðin hafa fengið frí."

„Það er ástæða fyrir því að stærstu ensku félögin hafi ekki náð nægilega góðum árangri síðustu ár. Það eru of mörg mót," sagði Klopp að lokum.