Vardy tæpur fyrir toppslaginn gegn City

Jamie Vardy, framherji Leicester og markahæsti leikmaður ensku úrvalsdeildarinnar, á þessari leiktíð, er tæpur fyrir hörkuleik Leicester gegn Manchester City í ensku úrvalsdeildinni á þriðjudag.

Vardy spilaði einungis 69 mínútu þegar Leicester tapaði 1-0 á móti Liverpool í gær, en Claudio Ranieri, ítalski stjóri Leicester, staðfesti eftir leikinn að Vardy spilaði leikinn með flensu.

„Ég verð að lítast eftir Jamie Vardy næstu þrjá daga og sjá hvort hann bregst vel við eða ekki. Hann spilaði með hita og ég vildi ekki gefa honum fleiri mínútur. Ég vildi geyma hann," sagði Ranieri.

Riyad Mahrez, einn af allra öflugustu leikmönnum úrvalsdeildarinnar á þesasri leiktíð, var einnig skipt af velli, en Ranieri segir að strákarnir hans séu klárir í slaginn fyrir toppslaginn á morgun.

Sjá einnig:Mikilvægur sigur Liverpool á toppliðinu | Sjáðu markið

„Við mætum öðrum risa, en það er í lagi - við erum tilbúnir. Núna verðum við að hreinsa hugann og endurstilla okkur. Leikmönnunum líkar ekki vel við að tapa og það er gott. Ég elska þannig anda," sagði sá ítalski að lokum.

Leicester er enn á toppnum með tveggja stiga forskot á Arsenal og þriggja stiga forskot a´City - Leicest er með 38 stig, Arsenal 36 og City 35.

Með hagstæðum úrslitum á þriðjudag getur City skotist á toppinn, en leikur Leicester og og City hefst klukkan 19.45 á þriðjudag í beinni útsendingu á Stöð 2 Sport 2/HD.