Erum víst að leggja okkur fram fyrir Van Gaal

Michael Carrick, miðjumaður Man. Utd, er ekki ánægður með umfjöllun fjölmiðla um liðið og segir það vanvirðingu að halda öðru fram en að leikmenn séu ekki að reyna sitt besta fyrir stjórann, Louis van Gaal.

Man. Utd er búið að tapa fjórum leikjum í röð og hefur ekki unnið í síðustu sjö leikjum sínum. Síðast tapaði liðið fyrir Stoke á annan dag jóla.

„Það er frekar mikil vanvirðing þegar því er haldið fram að við leggjum okkur ekki fram fyrir stjórann. Það særir okkur því við erum ekki þannig menn,“ sagði Carrick svekktur.

„Við erum að ganga í gegnum skelfilegt tímabil og tilfinningin er ömurleg. Við vinnum ekki leiki og það er nógu slæmt að fá gagnrýni fyrir leikinn svo hitt þurfi ekki að bætast ofan á. Við vitum vel að við þurfum allir að gera betur."