Yfirgefur Maccabi til að taka við Fulham

Fulham er loksins búið að ráða nýjan knattspyrnustjóra en það eru 49 dagar síðan félagið rak Kit Symons.

Nýi stjórinn er Slavisa Jokanovic, fyrrum stjóri Watford. Serbinn hættir sem þjálfari hjá ísraelska meistaraliðinu Maccabi Tel Aviv til þess að taka við Fulham.

Hann skilur við Maccabi á toppi ísraelsku deildarinnar. Lítið gekk hjá liðinu í Meistaradeildinni þar sem liðið tapaði öllum sex leikjum sínum í riðlakeppninni.

Jokanovic kom Watford upp í úrvalsdeildina á síðustu leiktíð en náði síðan ekki samkomulagi við félagið síðasta sumar og er því ekki með liðið í úrvalsdeildinni.