Hiddink ánægður með frammistöðuna

Guus Hiddink, nýráðinn stjóri Chelsea, viðurkennir að hann hafi áhyggjur af stöðu liðsins í ensku úrvalsdeildinni.

Chelsea er í fjórtánda sæti deildarinnar með 20 stig og er sem stendur aðeins þremur stigum frá fallsæti. Liðið gerði í kvöld markalaust jafntefli gegn Manchester United og mátti þakka fyrir stigið.

Sjá einnig: Markverðirnir í aðalhlutverki í stórslagnum

„Ég hef auðvitað áhyggjur en þær væru meiri ef leikmenn hefðu ekki sjálfstraust eða metnað,“ sagði Hiddink eftir leikinn í kvöld.

„Ég er ánægður með frammistöðuna í kvöld því aðstæður voru erfiðar og við án margra lykilmanna í sókn. Við hefðum gjarnan viljað skora en miðað við allt er ég ánægður.“

Markvörðurinn Thibaut Courtois átti stórleik fyrir Chelsea í kvöld og tók undir stjórans.

„Maður má ekki halda að það sé ómögulegt að falla. Við verðum hins vegar að líta fram á veginn og við höldum að við komumst aftur á sigurbrautina.“