Pavel Srnicek látinn aðeins 47 ára gamall

Pavel Srnicek, fyrrum leikmaður Newcastle United og tékkneska landsliðsins í fótbolta, lést í dag aðeins 47 ára gamall. Dánarmein hans var hjartaáfall.

Srnicek hneig niður þegar hann var út að skokka fyrir níu dögum síðan en hann var þá í jólaheimsókn í gamla heimabæ sínum í Bohumin í austurhluta Tékklands.

Srnicek var fluttur á sjúkrahús í nálægðum bæ og var búinn að vera í dái síðan. Umboðsmaður hans gaf síðan út fréttatilkynningu í dag þar sem fram kom að Srnicek væri allur.

Srnicek spilaði í langan tíma í Englandi en spilaði 150 leiki fyrir Newcastle frá 1991 til 1998. Hann spilaði einnig fyrir Sheffield Wednesday, West Ham United og Portsmouth.

Srnicek spilaði 49 landsleikir fyrir Tékka og var í leikmannahópi liðsins sem varð í öðru sæti á Evrópumótinu í Englandi árið 1996.

Srnicek var mjög vinsæll hjá stuðningsmönnum Newcastle sem kölluðu hann „Pav" og sungu til hans „Pavel is a Geordie" í hálfleik í leik Newcastle á móti Everton á öðrum degi jóla.

Srnicek hefur unnið sem markvarðarþjálfari hjá Sparta Prag frá árinu 2011.