Manchester United á toppinn eftir dramatískan sigur á Watford

Manchester United komst á toppinn í ensku úrvalsdeildinni í knattspyrnu í dag þegar liðið bar sigur úr býtum gegn Watford, 2-1. Sigurmarkið kom í uppbótartíma.

Memphis Depay kom United á bragðið í upphafi leiksins þegar hann skoraði glæsilegt mark eftir rúmlega tíu mínútur.

Staðan var 1-0 í hálfleik en heimamenn í Watford fóru að pressa vel á leikmenn United í þeim síðari. Það endaði með markið hjá heimamönnum en Troy Deeney skoraði þá út víti fimm mínútum fyrir leikslok.

Rojo hafði áður brotið á leikmanni Watford innan vítateigs. Þegar komið fram framyfir venjulegan leiktíma náði Þjóðverjinn Bastian Schweinsteiger að koma boltanum í netið en hann hafði viðkomu í Troy Deeney og líklega verður markið skráð sem sjálfsmark.

United er í efsta sæti deildarinnar með 27 stig, einu stigi á undan Manchester City sem á leik til góða. 

Depay kemur United yfir 1-0 Troy Deeney jafnar fyrir Watford  

Schweinsteiger kemur boltanum í netið fyrir United