Fótbolti

Shaikh Salman gæti tekið forsetaslaginn

Henry Birgir Gunnarsson skrifar
Salman er hér með Sepp Blatter, núverandi forseta FIFA.
Salman er hér með Sepp Blatter, núverandi forseta FIFA. vísir/getty
Valdamesti maðurinn í asíska fótboltanum íhugar að bjóða sig fram til forseta FIFA.

Sá heitir Shaikh Samlan Bi Ibrahim Al-Khalifa en er iðulega bara kallaður Shaikh Salman. Hann segir að háttsettir menn innan FIFA hafi skorað á sig að bjóða sig fram.

Umsóknarfrestur fyrir forsetakjörið rennur út í lok vikunnar þannig að Salman verður að skríða undan feldinum hlýja fljótlega.

Hann ætlaði upprunalega að styðja við bakið á Michel Platini í kjörinu en virðist nú hafa snúið baki við Platini eins og fleiri hafa gert.

Salman er 49 ára gamall og kemur frá Barein. Hann hefur verið forseti asíska knattspyrnusambandsins síðan 2013 og er einnig einn af varaforsetum FIFA. Hann er harður stuðningsmaður Man. Utd.

Fótbolti

Tengdar fréttir

FIFA setur Blatter, Platini og Valcke alla í 90 daga bann

Alþjóðaknattspyrnusambandið, FIFA, hefur leyst þá Sepp Blatter, forseta FIFA, Jerome Valcke, aðalritara FIFA og Michel Platini, varaformann FIFA, alla frá störfum í 90 daga en þeir hafa allir verið bendlaðir við spillingarmál innan knattspyrnuforystunnar.

Blatter og Platini báðir búnir að áfrýja 90 daga banninu

Forseti FIFA Sepp Blatter og varaforsetinn Michel Platini voru báðir skikkaðir í 90 daga leyfi frá störfum sínum fyrir FIFA í gær en Siðanefnd sambandsins tók þessa ákvörðun í framhaldi af því að þeir sæta nú báðir rannsókn vegna spillingarmála.

Prinsinn formlega í framboð

Prins Ali bin Al Hussein er búinn að skila inn umsókn til FIFA en hann ætlar sér að taka slaginn í forsetakjörinu í febrúar. Þá mun Sepp Blatter að öllum líkindum stíga niður sem forseti.

Platini gefst ekki upp

Michel Platini ætlar í forsetaframboð hjá FIFA þó svo hann sé grunaður um spillingu.

Englendingar snúa baki við Platini

Enska knattspyrnusambandið ætlaði að styðja Michel Platini, forseta UEFA, í forsetakjöri FIFA en hefur nú skipt um skoðun.

Mest lesið


Fleiri fréttir

Sjá meira


×

Mest lesið