Cech setti met í gær | Enginn haldið jafn oft hreinu í ensku úrvalsdeildinni

Petr Cech, markvörður Arsenal, hélt marki sínu hreinu þegar Skytturnar endurheimtu 2. sætið í ensku úrvalsdeildinni með 0-3 sigri á Watford í gær.

Þetta var í 171. sinn sem Cech heldur hreinu í ensku úrvalsdeildinni en hann komst þar með upp fyrir David James á listanum yfir þá markmenn sem hafa oftast haldið hreinu í sögu úrvalsdeildarinnar.

Cech, sem lék með Chelsea í 11 ár (2004-2015), hefur haldið hreinu í 171 af 341 leik sínum í úrvalsdeildinni, eða að meðaltali í öðrum hverjum leik.

Cech hélt 166 sinnum hreinu fyrir Chelsea og hefur haldið markinu hreinu í fimm deildarleikjum með Arsenal.

Þessir hafaoftasthaldið hreinu í sögu ensku úrvalsdeildarinnar:

1. Petr Cech (Chelsea, Arsenal) - 171 sinnum í 341 leik

2. David James (Liverpool, Aston Villa, West Ham, Man City, Portsmouth) - 170 í 572 leikjum

3. Mark Schwarzer (Middlesbrough, Fulham, Chelsea, Leicester) - 152 í 514 leikjum

4. David Seaman (Arsenal, Man City) - 142 í 344 leikjum

5. Nigel Martyn (Crystal Palace, Leeds, Everton) - 138 í 372 leikjum

6. Pepe Reina (Liverpool) - 134 í 285 leikjum

7. Edwin van der Sar (Fulham, Man Utd) - 134 í 314 leikjum

8. Brad Friedel (Liverpool, Blackburn, Aston Villa, Tottenham) - 132 í 450 leikjum

9. Peter Schmeichel (Man Utd, Aston Villa, Man City) - 129 í 310 leikjum

10. Tim Howard (Man Utd, Everton) - 128 í 380 leikjum