Varamaðurinn Naismith sá um Chelsea | Sjáðu mörkin

Hrakfarir Chelsea halda áfram í ensku úrvalsdeildinni í knattsyrnu, en þeir lágu á útivelli gegn Everton í dag, 3-1. Steven Naismith gerði þrennu fyrir Everton, en hann byrjaði sem varamaður.

Everton þurfti að gera breytingu eftir einungis níu mínútna leik, en Steven Naismith kom inná sem varamaður í stað Muhamed Besic sem fór útaf meiddur.

Naismith skoraði einmitt fyrsta markið eftur sautján mínútna leik með skalla eftir laglega fyrigjöf frá Bendon Galloway.

Títtnefndur Naismith var aftur á ferðinni fimm mínútum síðar, en þá skoraði hann með þrumuskoti utan teigs. Varamaðurinn að gera vörn Chelsea mikinn grikk.

Veislunni í fyrri hálfleik var ekki lokið því Nemanja Matic minnkaði muninn í 2-1 á 36. mínútu með rosalegu skoti. Markið má sjá neðst í fréttinni, en staðan 2-1 fyrir Everton í hálfleik.

Skotinn Naismith var ekki hættur. Hann fullkomnaði þrennuna marð þriðja marki sínu og þriðja marki Everton með skoti undir Asmir Begovic sjö mínútur fyrir leikslok. Fullkominn þar af leiðandi hjá Naismith; mark með hægri, mark með vinstri og mark með skalla.

Þetta er fyrsta þrennan sem einhver leikmaður gerir gegn liði Jose Mourinho og er þetta því sögulegur leikur fyrir Skotann sem fer líklega glaður á koddann í kvöld.

3-1 urðu lokatölurnar, en Everton er með átta stig eftir fyrstu fimm leikina og eru í þriðja sætinu. Chelsea er hins vegar í bullandi vandræðum; með fjögur stig eftir fyrstu fimm leikina og meistararnir í fimmtánda sæti.

2-0: 2-1: 3-1: