Enski boltinn

Stjóri Gylfa framlengir við Swansea

Ingvi Þór Sæmundsson skrifar
Swansea hefur aldrei fengið jafn mörg stig í ensku úrvalsdeildinni og í fyrra.
Swansea hefur aldrei fengið jafn mörg stig í ensku úrvalsdeildinni og í fyrra. vísir/getty
Garry Monk hefur skrifað undir nýjan þriggja ára samning við enska úrvalsdeildarliðið Swansea City.

Monk, sem er aðeins 36 ára, stýrði Swansea til 8. sætis í úrvalsdeildinni á sínu fyrsta heila tímabili sem stjóri velska liðsins. Hann tók við Swansea af Michael Laudrup í febrúar 2014 og hefur síðan náð afbragðs árangri með liðið.

Monk lék lengi með Swansea, frá 2004 og þar til hann var ráðinn stjóri liðsins. Hann lék m.a. með Gylfa Þór Sigurðssyni seinni hluta tímabilsins 2011-12 og keypti svo íslenska landsliðsmanninn til Swansea síðasta sumar.

Swansea hefur verið duglegt á leikmannamarkaðnum í sumar en liðið hefur m.a. fest kaup á portúgalska framherjanum Éder og Ghana-manninum André Ayew.

Enski boltinn

Tengdar fréttir

Eder vonast eftir hjálp frá Gylfa og nýju samherjunum hjá Swansea

Enska úrvalsdeildarfélagið Swansea City keypti í dag portúgalska framherjann Eder frá Braga en kaupverðið var ekki gefið upp. Eder fær vonandi eitthvað af stoðsendingum frá íslenska landsliðsmanninum Gylfa Þór Sigurðssyni á komandi tímabili.

Mest lesið


Fleiri fréttir

Sjá meira


×

Mest lesið