Sendinefnd ESB á Íslandi: Engin viðbrögð að svo stöddu

Sendinefnd Evrópusambandsins á Íslandi mun að svo stöddu ekki bregðast við tilkynningu ríkisstjórnarinnar um að hún hyggist ekki endurvekja aðildarferlið að ESB, að ný stefna yfirtaki skuldbindingar fyrri ríkisstjórnar í aðildarferlinu og að ESB geri ráðstafanir sem taki mið af því að Ísland teljist ekki lengur umsóknarríki.

Klemens Ólafur Þrastarson, upplýsingafulltrúi sendinefndar ESB á Íslandi, staðfestir þetta í samtali við Vísi nú undir kvöld. Búist sé við viðbrögðum á morgun eða á allra næstu dögum.