Shaqiri: Þetta var fallegt mark

Xherdan Shaqiri skoraði sín fyrstu deildarmörk fyrir Stoke þegar liðið vann dramatískan sigur á Everton í dag, 4-3.

Svisslendingurinn öflugi skoraði fyrstu tvö marka sinna manna í leiknum og það síðara var sérlega glæsilegt, eins og sjá má í spilaranum hér fyrir ofan.

„Þetta var fallegt mark og mikilvægt fyrir liðið. Þetta var djúpur og góður bolti frá Bojan og skotið var gott líka,“ sagði Shaqiri við fjölmiðla eftir leikinn í dag.

„Ég nýt þess að sjá markið aftur í sjónvarpinu en það sem meira máli skiptir er að við fengum þrjú stig,“ sagði hann enn fremur.

„Þetta var fallegur leikur fyrir fólkið á vellinum. Everton var virkilega gott líka. Mér líður betur með hverjum leiknum og það sýnir sig á vellinum. Ég er virkilega ánægður með að hafa skorað fyrir Stoke.“