Sterling aðeins tvær mínútur að opna markareikninginn | Myndband

Raheem Sterling, nýjasti liðsmaður Manchester City, skoraði fyrsta mark leiksins í leik Manchester City og Roma sem hófst klukkan 10.

Sterling sem gekk til liðs við Manchester City frá Liverpool á dögunum var örlítið ryðgaður í upphafi leiks og rann á boltanum með fyrstu snertingu sinni fyrir nýja félagið.

Hann bætti hinsvegar upp fyrir það stuttu seinna er hann fékk stungusendingu inn fyrir vörn Roma og renndi boltanum framhjá Morgan De Sanctis í marki ítalska liðsins.

Miralem Pjanic jafnaði metinn skömmu síðar með glæsilegu skoti.