Sindri og Axel sömdu við Reading

Sindri Scheving, Valsmaður fæddur 1997, og Axel Óskar Andrésson úr Aftureldingu, fæddur 1998, hafa samið við enska úrvalsdeildarliðið Reading og spila með U18 ára liði félagsins næsta vetur.

Frá þessu er greint á heimasíðu Reading en þeir eru á meðal fjögurra nýrra unglinga sem liðið fær til sín. Hinir tveir koma frá Manchester United og Templelogue United í Dyflinni.

Sindri Scheving gerði þriggja ára samning við Reading en hann á að baki 17 leiki fyrir U17 ára landslið Íslands og þrjá leiki fyrir U16 ára liðið.

Axel Óskar, sem er sonur kraftajötunsins AndrésarGuðmundssonar, á að baki átta leiki fyrir U17 ára liðið og þá hefur hann spilað með meistaraflokki Aftureldingar í sumar.

Það verða þrír Íslendingar í U18 ára liði Reading næsta vetur því Víkingurinn TómasIngiUrbancic gekk í raðir félagsins í fyrra.