Gifti sig í búningi Man. Utd

Ensk knattspyrnufélög eiga ekki bara eldheita aðdáendur á Íslandi því par í Kenýa setti ný viðmið á dögunum er það hélt Man. Utd brúðkaup.

Þema brúðkaupsins var enski knattspyrnurisinn Manchester United. Brúðguminn gifti sig í treyju félagsins, brúðarbíllinn var merktur félaginu og brúðkaupskakan var merkt Chevrolet sem er aðalstyrktaraðili félagsins.

Brúðurin var reyndar í hefðbundnum hvítum brúðarkjól en var þó með rauða teygju í hárinu.

Vísir óskar parinu til hamingju með ráðahaginn og vonast til þess að hjónabandið byrji betur en tímabilið hjá United.