Fótbolti

Var rangt að skilja Donovan eftir heima?

Eiríkur Stefán Ásgeirsson skrifar
Vísir/Getty
Pistlahöfundur vefsíðunnar Goal.com telur að Landon Donovan sé betur til þess að leysa Jozy Altidore af hólmi en Aron Jóhannsson.

Altidore fór meiddur af velli í 2-1 sigri Bandaríkjanna á Gana í fyrsta leik liðanna á HM í Brasilíu í gær. Aron kom inn á fyrir Altidore en fékk úr litlu að moða þar sem Ganverjar stýrðu leiknum lengst af.

„Líklega var niðurstaða leiksins sú ósanngjarnasta af öllum leikjum HM til þessa,“ skrifaði Luis Herrera í pistli sínum.

Landon Donovan var lengi lykilmaður í bandaríska landsliðinu en ákvörðun þjálfarans Jürgen Klinsmann að skilja hann eftir heima í þetta skiptið hefur verið umdeild.

Herrera segir að Donovan hefði verið ákjósanlegur kostur fyrir bandaríska landsliðið þegar Altidore meiddist í leiknum í gær.

„En hann er ekki hér. Þess í stað ákvað Jürgen Klinsmann að senda Aron Jóhannsson inn á völlinn,“ skrifaði Herrera.

„Jafnvel þótt að Donavan eigi sín bestu ár að baki er hann samt betur til þess fallinn að spila með Clint Dempsey í sókninni en bæði [Aron] Jóhannsson og [Chris] Wondolowski.“

HM 2014 í Brasilíu

Tengdar fréttir

Aron spilaði og Bandaríkin lögðu Gana

Aron Jóhannsson fagnaði sigri í sínum fyrsta leik á HM í kvöld. Bandaríkin lögðu þá Gana, 2-1, en sigurinn var ekki beint sanngjarn. Aron kom af bekknum á 23. mínútu.

Howard hrósaði Aroni í hástert

Tim Howard, landsliðsmarkvörður Bandaríkjanna, var ánægður með innkomu Arons Jóhannssonar í sigrinum á Gana á HM í Brasilíu í gær.

Aron stoltur af bandaríska liðinu

Aron Jóhannsson segist vera stoltur af samherjum sínum í bandaríska landsliðinu eftir 2-1 sigur liðsins á Ganverjum á HM í gær.

Mest lesið


Fleiri fréttir

Sjá meira


×

Mest lesið