Dzeko: Þetta var gríðarlega mikilvægt

Edin Dzeko var hetja Man. City í kvöld en hann skoraði tvö mörk í 0-3 sigri liðsins gegn Man. Utd á Old Trafford í kvöld.

"Þetta var gríðarlega mikilvægur leikur fyrir okkur. Nú erum við aðeins þrem stigum á eftir Chelsea og þessi leikur gæti skipt öllu þegar upp er staðið," sagði Dzeko eftir leik.

City er í öðru sæti og á tvo leiki inni á Chelsea. Vinni liðið báða þá leiki þá mun City ná þriggja stiga forskoti.

"Við vildum byrja vel og fengum þessa draumabyrjun. Síðan snérist allt um okkur og við kláruðum okkar mjög vel. Við getum ekki verið annað en ánægðir."