Rooney tilbúinn að verða fyrirliði Man. Utd og Englands

Wayne Rooney er talinn líklegur til að taka við fyrirliðabandinu af NemanjaVidic þegar Serbinn heldur til Ítalíu í sumar en hann er búinn að semja við Inter.

Þá er spurning hvað verður með fyrirliðastöðuna hjá enska landsliðinu eftir heimsmeistaramótið í Brasilíu í sumar en óvíst er hvort StevenGerrard haldi áfram að spila með landsliðinu.

„Ég hef verið fyrirliði United nokkrum sinnum. Ef stjórinn vill fá mig sem fyrirliða hef ég ekkert á móti því. Ég myndi grípa tækifærið með báðum höndum,“ segir Wayne Rooney í viðtali við tímarit Manchester United.

Aðspurður um fyrirliðastöðuna hjá enska landsliðinu segir hann: „Maður veit ekki hvað Steven gerir í sumar. Það veit hann einn. Það yrði mikill heiður að verða fyrirliði míns lands en það er stjórinn sem ræður því og vissulega koma nokkrir til greina.“