Beckham lagði upp mark fyrir Zlatan

Zlatan Ibrahimovic skoraði bæði mörk Paris Saint-Germain þegar liðið komst í átta liða úrslit frönsku bikarkeppninnar í kvöld eftir 2-0 sigur á Marseille á Parc des Princes.

David Beckham var í byrjunarliði Paris Saint-Germain í fyrsta sinn síðan að kom til liðsins í lok síðasta mánaðar og lagði upp fyrra mark Zlatan Ibrahimovic á 35. mínútu leiksins. Zlatan þurfti þó að gera mikið áður en hann skoraði.

Zlatan Ibrahimovic fiskaði síðan vítaspyrnu á 64. mínútu og skoraði úr því sjálfur.

Carlo Ancelotti, stjóri Paris Saint-Germain, tók Zlatan útaf á 76. mínútu leiksins en Beckham spilaði í 86 mínútur í kvöld. David Beckham nældi sér í gula spjaldið fyrir tæklingu skömmu áður en hann var tekinn útaf.