Óttuðust veirur í tölvukerfinu

Stjórnendur í bandarískri stofnun gripu til heldur harkalegra aðgerða þegar í ljós kom að nokkrar tölvur voru sýktar af óveiru. Þeir létu eyða miklu magni af tölvum, tölvuskjáum, prenturum, lyklaborðum og músum í þeim tilgangi að stöðva útbreiðslu óværunnar.

Efnahagsþróunarstofnunin (EDA) heyrir undir viðskiptaráðuneyti Bandaríkjanna. Stofnunin eyddi alls 2,7 milljónum bandaríkjadala, andvirði nærri 350 milljóna króna, í eyðinguna, nýjar tölvur og ráðgjöf. Það tók stofnunina rúmlega ár að koma tölvukerfinu í samt lag.

Aðrar stofnanir sem lentu í samskonar óværu létu sérfræðinga um að hreinsa tölvurnar fyrir brot af kostnaði EDA.