Níðingurinn kafnaði við sjálfsfróun

Svo virðist vera að Ariel Castro, sem var á dögunum dæmdur í lífsstíðarfangelsi fyrir að hafa rænt þremur konum og haldið þeim föngnum í áratug, hafi ekki framið sjálfsvíg.

Hann fannst hengdur í klefa sínum í ríkisfangelsinu í Ohio í byrjun síðasta mánaðar.

Samkvæmt fréttavef CBS er talið að níðingurinn hafi kafnað við sjálfsfróun. Þegar hann fannst var hann með buxurnar á hælunum og með lak um hálsinn.

Líklegt þykir að hann hafi með þessu freistað þess að fá kynferðislega örvun með því að þrengja að öndunarfærum sínum um leið og hann stundaði sjálfsfróun.

Málið þykir afar undarlegt, því í fyrstu var því slegið föstu að Castro hafi framið sjálfsmorð.

Fangaverðir hafa verið sendir í leyfi eftir að þeir fölsuðu skýrslur þess efnis að þeir hefðu haft reglulegt eftirlit með honum.