Pulis tekur líklegast við Palace

Veðbankar á Englandi segja líklegast að Tony Pulis taki við liði Crystal Palace. Það heur vantað stjóra síðan Ian Holloway fékk að fjúka.

Í fyrstu var greint frá því að Pulis hefði ekki áhuga á að taka við liðinu sem er í neðsta sæti ensku úrvalsdeildarinnar og fátt annað en fall sem blasir við liðinu.

Pulis hefur þó snúist hugur og er þess utan til í að taka slaginn í ensku B-deildinni ef illa fer. Hann er því orðinn líklegri en Dan Petrescu til þess að taka við liðinu.

Petrescu ku hafa verið í viðræðum við Palace en þær viðræður gengu ekki vel. Rúmeninn er að þjálfa lið Dinamo Moskvu.

Pulis hefur verið atvinnulaus síðan í maí. Þá hætti hann með Stoke eftir að hafa verið þar í sjö ár.