Fjórtán ár síðan að KR-ingar voru síðast með fullt hús eftir þrjá leiki

KR-ingar eru einir á toppi Pepsi-deildar karla í fótbolta eftir 3-0 sigur á Þór á KR-vellinum í gær. KR hefur unnið alla þrjá leiki sína með markatölunni 7-1 og þetta besta byrjun liðsins í fjórtán ár.

KR-ingar voru síðast með fullt hús eftir þrjá leiki sumarið 1999 en það sumar vann KR Íslandsmeistaratitilinn í fyrsta sinn í 31 ár og vann bikarmeistaratitilinn að auki á eftirminnilegu hundrað ára afmælisári.

KR vann þá ÍA (1-0), Val (5-1) og Grindavík (3-1) í þremur fyrstu leikjum sínum. KR gerði síðan markalaust jafntefli við Breiðablik í fjórða leik.

KR vann 2-1 sigur á Stjörnunni í fyrstu umferð í ár, fylgdi því eftir með 2-0 sigri í Keflavík og vann svo Þór í gærkvöldi. Baldur Sigurðsson skoraði í gær og er því kominn með þrjú mörk í fyrstu þremur leikjunum.



Besta byrjun KR-inga

(Flest stig í fyrstu þremur leikjunum síðan að þriggja stiga reglan var tekin upp 1984)

9 stig - 1999 - markatalan 9-2 (Íslandsmeistarar)

9 stig - 2013 - markatalan 7-1 (???)

7 stig - 1987 - markatalan 5-1 (5. sæti)

7 stig - 1988 - markatalan 8-3 (5. sæti)

7 stig - 1991 - markatalan 8-1 (3. sæti)

7 stig - 1994 - markatalan 8-1 (5. sæti)

7 stig - 1996 - markatalan 7-3 (2. sæti)

7 stig - 2003 - markatalan 4-2 (Íslandsmeistarar)

7 stig - 2011 - markatalan 6-3 (Íslandsmeistarar)