Martinez mun ákveða sig í næstu viku

Roberto Martinez, knattspyrnustjóri Wigan, mun taka ákvörðun um það í næstu viku hvort hann mun halda áfram með Wigan. Liðið féll úr úrvalsdeildinni fyrir skömmu. Martinez hefur verið sterklega orðaður við Everton á síðustu dögum.

„Ég mun setjast niður með stjórnarformanninum í næstu viku og þá tökum við ákvörðun,“ sagði Martinez við Sky Sports. „Við höfum ástæðu til að vera stoltir og fagna þeim árangri sem við höfum náð á síðustu átta árum. Við erum í ágætri stöðu fjárhagslega og leikum í Evrópudeildinni á næstu leiktíð,“ segir Martinez.

Wigan sigraði mjög óvænt í enska bikarnum fyrir viku síðan eftir sigur gegn Manchester City. Liðið mun því leika í Evrópudeildinni á næstu leiktíð þrátt fyrir að hafa fallið niður um deild.