Minningarathöfn Mandela

Í dag fór fram minningarathöfn fyrrum forseta og þjóðarhetju Suður Afríku, Nelson Mandela sem lést síðastliðinn fimmtudag, 95 ára að aldri.

Auk þúsunda heimamanna voru margir helstu þjóðleiðtogar og fyrrverandi leiðtogar heims mættir til að votta Mandela virðingu sína í rigningunni á FNB vellinum í Johannesburg.

Gestir risu úr sætum sínum og fögnuðu er forseti Bandaríkjanna, Barack Obama flutti einlæga ræðu til minningar Mandela. Suður Afríkumenn klæddust fánalitum landsins, voru skreyttir myndum af fyrrum forsetanum og sungu þjóðsönginn.

„Til fólksins í Suður Afríku, heimurinn þakkar ykkur fyrir að deila Nelson Mandela með okkur. Hans erfiði var ykkar erfiði og hans sigrar voru ykkar sigrar. Frelsið og lýðveldið er arfur hans til ykkar,“ sagði Obama í ræðu sinni í dag.

Það var gríðarleg rigning í Suður Afríku í dag og sagði kona í stúkunni að himnarnir væru að gráta því heimurinn hafði misst engil.

Að lokum sagði Obama frá því að 30 árum áður, þegar Obama var ennþá námsmaður, hafi Mandela veitt honum mikinn innblástur sem hafi leitt hann þangað sem hann er í dag.