Vá fyrir dyrum í Washington

Stjórnmálamönnum í Bandaríkjunum hefur enn ekki tekist að leysa deilumál sín í milli en nú er tæpur sólarhringur þar til landið hættir að geta greitt  af lánum sínum og því þarf nauðsynlega að hækka hið svokallaða greiðsluþak.

Repúblikanar á þingi hafa hinsvegar neitað að verða við því auk þess sem þeir neituðu að skrifa undir fjárheimildir ríkisins með þeim afleiðingum að um áttahundruð opinberir starfsmenn hafa setið auðum höndum í tæpan mánuð.

Stjórnmálamenn víða um heim og hinir ýmsu sérfræðingar í efnahagsmálum hafa eindregið varað við því að mikil hætta sé á ferðum fyrir efnahag heimsins, komist menn ekki að samkomulagi, en þó virðist lítið þokast í þá átt.