Rooney missir af Samfélagsskildinum

Wayne Rooney, framherji Manchester United, verður ekki með liðinu sem mætir Wigan á morgun í árlegum leik um Samfélagsskjöldinn.

Framherjinn 27 ára hefur æft með varaliði United í vikunni eftir að hafa orðið fyrir axlarmeiðslum um síðustu helgi.

Reiknað er með því að Robin van Persie, Nemanja Vidic og Patrice Evra, sem allir misstu af heiðursleik Rio Ferdinand í gær, komi við sögu í leiknum.

Gary Caldwell er frá vegna meiðsla hjá bikarmeisturum Wigan en Írinn James McClean gæti leikið sinn fyrsta leik fyrir Wigan. Thomas Rogne er frá vegna bakmeiðsla en reiknað er með þátttöku Leon Barnett og Emmerson Boyce.

Grant Holt verður í framlínu Wigan á morgun en leikurinn hefst klukkan 12:45 og verður í beinni útsendingu á Stöð 2 Sport 2 & HD.