Hófleg áfengisneysla lengir lífið

Hófleg neysla áfengis eftir sextugt getur gert manni gott. Þetta kemur fram í nýrri rannsókn sem gerð á 2.800 eldri borgurum yfir tuttugu ára skeið í bænum Dubbo í Ástralíu.

Niðurstöður rannsóknarinnar voru kynntar á heilbrigðisráðstefnu í Sidney í gær. Þar kom fram að þeir sem tóku þátt í ransókninni og drukku reglulega áfengi voru 20 – 28% líklegri til að lifa lengur en þeir sem ekki neyttu áfengis.  Þá voru líkur á vitglöpum einnig mun minni hjá þeim sem fengu sér í tána.

„Margir gera ráð fyrir því að heilabilanir haldist í hendur við áfengisneyslu, en rannsóknin í Dubbo leiddi annað í ljós. Heilabilanir voru ekki meiri hjá fólki sem neytti áfengis, heldur þvert á móti,“ sagði Leon Simons, einn rannsakenda á ráðstefnunni.

Rannsóknin leiddi í ljós að 78% karla og 52% kvenna yfir sextugu neyta áfengis nokkrum sinnum í viku. Karlar að meðaltali 1-14 sinnum og konur 1-7 sinnum.

Á þeim tuttugu árum sem rannsóknin stóð yfir létust 64% þeirra karla sem drukku og 72% þeirra sem ekki drukku. Þá létust þeirra 45% kvenna sem  neyttu áfengis og tóku þátt í rannsókninni og  60% þeirra sem ekki snertu áfengi. Rannsakendur segja þetta vera vegna þess að regluleg áfengisneysla dragi úr hættu á hjarta – og æðasjúkdómum.

The Daily Telegraph greinir frá.