Svart og hvítt hjá gulum Skagamönnum

Skagamenn eru enn án stiga í Pepsi-deild karla í fótbolta eftir algjört hrun á lokamínútunum á móti Breiðabliki í Kópavogi í gær. ÍA-liðið fékk þá á sig fjögur mörk á síðustu átta mínútunum og steinlá 1-4.

ÍA tapaði fyrsta leiknum sínum í Eyjum (0-1) og svo 1-3 í fyrsta heimaleiknum á móti Val. Eggert Kári Karlsson kom liðinu í 1-0 á 43. mínútu á Kópavogsvellinum í gær og þannig var staðan í rétt tæpar 40 mínútur.

Blikar hrukku þá í gang og skoruðu fjögur mörk frá 82. til 89. mínútu. Hrun Akurnesinga var algjört og óskiljanlegt en liðið átti engin svör við sókndjöfrum Blikum á lokakaflanum.

Þessi byrjun er algjört andstaða við gengi Skagaliðsins í upphafi síðasta sumars þegar Skagamenn voru með fullt hús og á toppnum eftir fyrstu þrjár umferðirnar.

Hér fyrir neðan má sjá muninn á þessum tveimur sumrum sem er svo sannarlega eins og að bera saman svart og hvítt.



Fyrstu þrír leikirnir 2012

Breiðablik (úti) 1-0 sigur

KR (heima) 3-2 sigur

Fylkir (úti) 1-0 sigur

- Samtals -

3 leikir - 9 stig

3 sigrar - 0 töp

Markatalan: 5-2

1. sæti í deildinni

Fyrstu þrír leikirnir 2013

ÍBV (úti) 0-1 tap

Valur (heima) 1-3 tap

Breiðablik (úti) 1-4 tap

- Samtals -

3 leikir - 0 stig

0 sigrar - 3 töp

Markatalan: 2-8

11. sæti í deildinni