100 þúsund fengu síðustu blessun páfa

Benedikt páfi sextándi blessaði í síðasta skipti úr glugga sínum við Péturstorg í Róm í dag. Mikil mannfjöldi fylgdist með síðustu blessun páfans.

Benedikt, sem lætur af embætti á fimmtudagskvöldið, fullvissaði áheyrendur að hann væri ekki að yfirgefa kirkjuna með því að ákveða að verja síðustu árum sínum við bænir.

„Þvert á móti, biðji Guð mig um það, mun ég halda áfram að þjóna kirkjunni af sömu einbeitni og ást líkt og ég hef reynt hingað til. Það verður þó á hátt sem á betur við aldur minn og líkamlegan styrk," sagði páfinn sem er 85 ára gamall.

Að sögn fréttastofu CBS virkaði páfinn óvenju hraustur og vel stemmdur frammi fyrir kaþólska fólkinu sem kvaddi hann í dag. Hann er fyrsti páfinn í sex hundruð ár til þess að láta af embætti vegna hás aldurs og heilsuleysis.