Mark Alfreðs losaði Twente við McClaren

Sigurmark Alfreðs Finnbogasonar gegn Twente um helgina varð til þess að Steve McClaren hætti sem þjálfari Twente. Þessi fyrrum landsliðsþjálfari Englands er því farinn frá Hollandi í annað sinn á ferlinum.

McClaren gerði Twente að meisturum árið 2010 en hefur ekki fundið sömu töfraformúluna í vetur en hann kom aftur til félagsins fyrir um ári síðan.

Twente hefur ekki unnið leik á árinu og er sex stigum á eftir toppliði PSV. Stuðningsmenn eru brjálaðir og McClaren hefur fengið að heyra það frá þeim.

Það hefur lítið gengið á þjálfaraferli McClaren síðustu misseri en hann var aðeins í fjóra mánuði hjá Nott. Forest þar á undan. Þar gekk lítið upp.