Sjónarvottur fullyrðir að dólgurinn hafi verið íslenskur
Samkvæmt ummælum við myndirnar á Facebook-veggjum þeirra, kemur fram að maðurinn hafi drukkið heila Tópas áfengisflösku, sem hann á að hafa keypt í tollinum, í flugvélinni. Hann hafi því næst reynt að grípa í konu sem sat við hliðina á honum í troðfullri flugvélinni sem var á leiðinni til New York frá Keflavík. Þá hrópaði hann að flugvélin væri að hrapa.
Svo virðist sem ógnandi framkoma mannsins hafi náð hámarki þegar hann greip annan mann hálstaki samkvæmt sjónvarvottunum. Það var þá sem farþegarnir fengu nóg, þeir yfirbuguðu manninn ásamt áhöfn flugvélarinnar. Hann var því næst fjötraður niður í sætið sitt, meðal annars með grænu límbandi, og þar mátti hann sitja í fjórar klukkustundir.
Maðurinn sem tók myndina segir í ummælum við hana að hann hafi verið raunverulega hræddur við manninn. Hann hafi aftur á móti verið frekar feginn þegar lögreglan kom inn í vélina á JFK flugvellinum og fylgdi manninum út í handjárnum.
Þess má geta að Guðjón Arngrímsson neitaði í samtali við Vísi að upplýsa hvort dólgurinn væri íslenskur eða ekki. Ekki er ljóst hvaða eftirmálar verða af hegðun mannsins, en hann má búast við því að verða kærður.
Tengdar fréttir
Farþegum brugðið þegar flugdólgurinn var handtekinn
Fólki í vél Icelandair, sem flaug frá Íslandi til New York í gær, var mjög brugðið eftir að flugdólgur var handtekinn í vélinni. Maðurinn hafði verið með allmikil læti þegar hann var loks yfirbugaður af áhöfn vélarinnar og farþegum.
Flugdólgurinn gæti átt yfir höfði sér fangelsisdóm
Maður sem var tjóðraður niður vegna óláta um borð í flugvél Icelandair á leið til New York í Bandaríkjunum í gær gæti átt yfir höfði sér háa fjársekt og jafnvel fangelsi í Bandaríkjunum. Hann á líka á hættu að vera meinað um að koma þangað aftur, sagði í fréttum Bylgjunnar klukkan 2. Maðurinn er íslenskur.
Flugdólgur yfirbugaður af farþegum hjá Icelandair
Karlmaður var yfirbugaður af farþegum og áhöfn flugvélar Icelandair sem var á leiðinni til New York. Mynd af manninum hefur vakið heimsathygli en þar sést að hann hefur hreinlega verið límdur við sæti sitt.
Flugdólgurinn sendur á spítala
Íslenski flugdólgurinn sem var reyrður niður í sætið sitt þegar hann flaug með vél Icelandair til New York í gærkvöldi, var sendur á spítala eftir skýrslutöku. Samkvæmt upplýsingafulltrúa á JFK flugvellinum, Ron Marsico, var tekin skýrsla af dólginum eftir að hann lenti á flugvellinum í nótt. Þá þegar varð ljóst að maðurinn var svo drukkinn að það þótti réttast að senda hann á spítala.
