Ashley Cole framlengdi um eitt ár við Chelsea

Ashley Cole verður áfram hjá Chelsea eftir að hann skrifaði í dag undir eins árs framlengingu á samingi sínum við félagið.

Cole kom til Chelea frá Arsenal árið 2006 en fyrr í vetur var mikið skrifað um hugsanlega brottför hans frá Stamford Bridge.

Cole er orðinn 32 ára gamall og var með samning sem rann út í vor. Hann er á sínu sjöunda tímabili hjá félaginu.

Ashley Cole hefur unnið átta titla með Chelsea þar á meðal deildina 2010, Meistaradeildina 2012 og bikarinn fjórum sinnum. Enginn hefur unnið enska bikarinn jafn oft og Cole sem varð bikarmeistari í sjöunda siunn vorið 2012.