Fundu tvö lík til viðbótar

Tveir til viðbótar hafa fundist látnir í skemmtiferðaskipinu Costa Concordia samkvæmt ítölskum og breskum fjölmiðlum. Því er tala látinna komin upp í fimm. Hinir látnu fundust skömmu eftir að tveimur farþegum og starfsmanni skipsins var bjargað. Hinir látnu eru eldri borgarar.

Skipstjórinn hefur verið handtekinn og er sakaður um að hafa yfirgefið sökkvandi skipið áður en farþegar komust frá borði. Sjálfur neitar hann sök, en vitni segjast hafa séð hann um borð í bát sem fór frá fyrst frá skipinu. Það varðar tólf ára fangelsi fyrir skipstjóra á Ítalíu að yfirgefa skip sitt áður en síðasti farþeginn yfirgefur skipið.