Erlent

Merah ætlaði að myrða aftur

Mikill viðbúnaður er við fjölbýlishúsið í Toulouse.
Mikill viðbúnaður er við fjölbýlishúsið í Toulouse. mynd/AFP
Innanríkisráðuneyti Frakklands tilkynnti fyrir stuttu að Mohammed Merah, sem grunaður er um hrynu ódæðisverka í suðurhluta Frakklands, hafi lagt á ráðin um að myrða tvö lögregluþjóna og hermann í borginni Toulouse.

Umsátursástand ríkir í borginni Toulouse en lögreglan hefur umkringt fjölbýlishús þar sem Merah heldur til.

Merah hafði samband við fréttastofuna France 24 í nótt og lýsti yfir ábyrgð á morðunum. Hann er grunaður um að hafa myrt sjö manns í borginni Toulouse í Frakklandi, þar af þrjú börn.

Merah sagði blaðamanni France 24 að hann hafi hlotið þjálfun hjá hryðjuverkasamtökunum al-Qaeda og að hvatir ódæðisverka sinna hafi verið þjáning íbúa á Gaza-svæðinu, búrkubann í Frakklandi og stríðið í Afganistan.

Fyrr í dag greindi franska sjónvarpsstöðin BMF TV frá því að Merah hafi verið handsamaður af lögreglu - þetta reyndist þó ekki vera rétt.


Tengdar fréttir

Gífurleg leit að árásarmanninum í Toulouse

Einhver mesta lögregluleit í sögu Frakklands er nú gerð að árásarmanninum sem skaut fjóra til bana, þar af þrjú börn fyrir utan gyðingaskóla í borginni Toulouse í gærmorgun.

Umsátursástand ríkir enn í Toulouse

Innanríkisráðherra Frakklands sagði fyrir stuttu að meintur fjöldamorðingi hafi ekki verið handsamaður af lögreglu í Toulouse. Umsátursástand ríkir enn við fjölbýlishús þar sem maðurinn heldur til.

Fjórir látnir eftir skotárás í Frakklandi

Fjórir eru látnir eftir að maður hóf skotárás á gyðingaskóla í borginni Toulouse í Frakklandi í morgun. Nicolas Sarkozy, forseti Frakklands segir árásina vera þjóðarharmleik.

Fjöldamorðinginn ætlar að birta myndbönd af morðunum í dag

Meintur fjöldamorðingi sem nú hefur verið króaður af í fjölbýlishúsi í borginni Toulouse í Frakklandi hafði samband við fréttastofuna France 24 í nótt. Maðurinn lýsti yfir ábyrgð á morðunum við blaðamann og sagðist hafa myndað ódæðin.

Fjöldamorðingi talinn hafa myndað ódæðið

Talið er að maður sem myrti fjóra í skóla gyðinga í borginni Toulouse í Frakklandi á mánudag hafi myndað ódæðið. Vitni hafa lýst því að maðurinn hafi verið með litla myndavél festa við sig.

Mest lesið


Fleiri fréttir

Sjá meira


×

Mest lesið