Kreditkort fyrir 8 ára gömul börn

Bresk börn á aldrinum 8 til 16 ára geta nú verslað með kreditkort á veraldarvefnum. Það er hópur foreldra sem stendur að verkefninu en þau stofnuðu fyrirtæki þar sem börnum gefst tækifæri til að kynna sér veröld rafrænna viðskipta.

Um er að ræða fyrirframgreitt kreditkort. Foreldrar barnanna hafa umsjá með kortinu og heimila greiðslur. Lokað er fyrir ákveðnar greiðslur, einkum þær sem tengjast tóbaki og áfengi.

Fyrirtækið er kallað PKTMNY. Nú þegar eru nokkur félög sem bjóða upp á svipaða þjónustu - yfirleitt eru viðskiptavinir þeirra á aldrinum 13 til 16.

Það er fréttaveitan AFP sem greinir frá þessu en hún hefur jafnframt eftir nokkrum foreldrum sem vægast sagt óróleg yfir þessari þróun mála.