Yfir 100.000 manns vilja aðskilnað ríkja sinna frá Bandaríkjunum

Yfir 100.000 manns í einum 20 ríkjum Bandaríkjanna hafa skrifað undir áskorun til Hvíta hússins þess efni að ríkin fái að aðskilja sig frá Bandaríkjunum.

Þetta er ein af afleiðingum forsetakosninganna fyrr í mánuðinum en Mitt Romney vann kosningarnar í flestum af þessum 20 ríkjum. Mestur áhuginn fyrir aðskilnaðinum er í Texas þar sem 25.000 manns hafa skrifað undir áskorunina.

Hvíta húsið hefur enn ekki brugðist við þessari áskorun en í bandarísku stjórnarskránni eru engin ákvæði þess efnis að einstök ríki geti sagt skilið við Bandaríkin.